Gleðifréttir

Já, þann 9. mars klukkan 13:35 fæddist lítill drengur, 19 merkur og 54 cm. Það væru nú kannski ekki merkilegar fréttir ef þetta væri ekki hann litli bróðir minn og er þar með þriðja systkinið sem ég eignast. Að sjálfsögðu er hann afbragð annarra barna og með eindæmum myndarlegur. Já, ef hann er ekki bara sætasta barn í heimi.

Það er hálf skrýtið að vera í allt öðrum heimshluta þegar svona sætt barn fæðist í hinum hlutanum. Smá vottur af heimþrá hreiðraði um sig þegar ég heyrði fréttirnar. Hann verður sem sagt tæplega 4 mánaða þegar ég kem heim. Snæbjörn fær að sjá „litla mág“ sinn mánuði á undan mér. En ætli hann verði ekki jafn sætur þegar ég kem heim... ;)

Viðbót 15/3 06 kl. 15:56 : Ég stóðst ekki mátið og setti því mynd af brósa hérna inn. Eins og sjá má er hann eign þvottahúss spítalanna.